Já árið er búið að vera alveg þokkalegt og mergt skemmtilegt gerst. En svona bara til að fara yfir það helsta sem ég hef gert á árinu þá kemur það hér.

Jan: skólinn byrjaði aftur hjá öllum og ég og Palli skelltum okkur til Glaskow. Ælupest gerði vart við sig og Björn Hreiðar ákvað að fikta með flugeld og brenndist á fæti.

Feb:  Einkenndist af slatta af veikindum og prakkarastrikum hjá strákunum mínum, Matthías Þorbergur stakk af úr skóladagvistinni.

Mars: Yngsti prinsinn varð 6 ára í mars og mamma hans ákvað að vera veik þegar hann átti afmæli og auðvitað varð prinsinn ekki sáttur við mömmuna en pabbinn og amma Kolla redduðu málunum og héldu prinsinum fína afmælisveislu.

Fórum í 2 fermingaveislur og í sumarbústað með mömmu og pabba í Svartagil.

Apríl: Björn Hreiðar varð 12 ára og stækkaði þannig að hann er orðin stærri en mamma sín, allir á fullu í skólanum og alveg að koma að prófum. Oliver Helgi kom í heimsókn í skólann minn og sá öll þau tæki og tól sem við erum að læra á og fannst þetta voðalega spennandi.

Mai: Hafþór Ingi varð 15 ára og Matthías Þorbergur 9 ára og hélt Matthías Þorbergur upp á afmælið sitt fyrir bekkjarfélagana, og svo var haldin ein fjölsk, veisla.

Ég kláraði skólana með ágætum einkunnum og fekk enga vinnu, þannig að ég skráði mig bara atvinnulausa. En um leið og ég gerði það fékk ég vinnu við heimaþjónustuna hér á Skaganum og vann við það allt sumarið.

Júní: Hætti að vera leikskólamamma þar sem yngsti prinsinn hætti á leikskólanum til að byrja í grunnskóla.

Hafþór Ingi fór að vinna í unglingavinnunni og var mjög sáttur sérstaklega þegar hann var búin að skrá sig í viðburðarhóp og fékk þá bara að leika sér í vinnunni.

Júlí: Skkeltum okkur á Akureyri með Birni Hreiðari því hann var að keppa á fótboltamóti þar, ég og Palli fengum lánað Ahúsið þeirra mömmu og pabba og vorum þar með yngri guttana okkar og Björn Hreiðar svaf í skólanum á staðnum, hans liði gekk mjög vel og hann varð allt í einu markmaður og stóð sig eins og heltja og varði meira að segja eina vító og það mætti halda að þeir hafi unnið heimsmistaratitill þann dagin því þeir voru svo sáttir.

Fórum á ættarmót í Ólafsvík hjá ættinni hans afa Olla og það var mjög gaman og gaman að hitta svona alla ættingjana og fræðast líka um þá sem eldri eru í ættunum.

Ágúst: yngsti sonurinn byrjaði í 1 bekk var nú ekki neitt rosalega sáttur fyrst fannst hann ætti bara alltaf að vera lítill, en svona er víst lífið. Ég byrjaði aftur í skólanum og auðvitað hinir guttarnir líka, Hafþór sinn síðasta vetur í grunnskóla sem ég skil ekki alveg því hann er nýfæddur.

Fórum á Selfoss þar sem Björn Hreiðar var að keppa en stoppuðum bara einn dag þar.

Mamma, Palli og auðvitað hún Helga systir áttu afmæli þennan mánuð.

Við skelltum okkur á Ísafjörð til Helgu vinkonu og Andra því hann varð 6 ára og þeir vinirnir áttu góða stund saman þó stutt hafi verið fyrir svona langa ferð. Alltaf gott að hitta og spjalla við hana Helgu mína.

Sept: bara skóli og vinna hjá öllum engar skemmtiferðir eða neitt.

Okt: pabbi átti afmæli og þau mamma buðu allri ættinni í kjötsúpu alltaf gaman að hitta ættingjana. Síðan átti Kolbrún Inga afmæli og við kíktum í kaffi í fínu sætu íbúðina hennar á stútentagörðum.

Nóv: ég fékk styrk frá Orkuveitunni fyrir nám í karlastörfum, mjög stollt af sjálfri mér.

Des: prinsessan á bænum átti afmæli og fékk alveg fullt af pökkum og góðu fólki í kaffi til mín.

Kláraði skólan og komst í jólafrí.

Jólin voru góð, vorum bara fjöldk.saman á aðfangadag tengdapabbi kom reyndar eftir matinn og var hjá okkur á meðan við opnuðum pakkana. Á jóladag var svo jólaboð fyrir Hábrekku 12 fjölsk.mjög gaman eins og alltaf þegar þetta fólk hittist. Á annan í jólum var svo jólaboð fyrir Akranes fjölsk og það var líka mjög gaman og ég held að enginn hafi farið mjög svangur frá okkur hjónunum.

Í dag er svo síðasti dagur ársins og við höfum ákveðið að vera á Akranesi og vonum að það verði gaman að vera hér, þar sem við höfum alltaf verið með stórfjölskyldunni en aldrei svona ein þá getur verið að manni finnist eitthvað vanta, en það kemur í ljós.

Gleðilegt ár allir og vonum að allir eigi eftir að hafa það gott á nýju ári.

En af okkur er allt gott að frétta helgin síðasta var mjög skemmtileg, Hafþór Ingi greyið var að vinna alveg á fullu og missti af meirihlutanum af því sem við hin gerðum.

En laugardagurinn var meira og minna haldin hátíðlegur í Reykjavíkinni, byrjuðum á að fara í Frón að baka piparkökur og gera smá jólakomfekt  með samstarfsfólki Palla og mökum þeirra og börnum, það var mjög gaman og ég held að allir hafi farið sáttir út með sínar piparkökur og sitt jólakomfekt.

Eftir föndur í Frón var farið heim til Helgu systir og þar átti prinsessan í fjölskyldunni  11 ára afmæli (reyndar er afmælisdagurinn hennar í dag) og þar var gaman eins og alltaf og kökurnar alveg meiriháttar góðar og át ég eins og svín, enda finnst mér svo gott að borða. Þar hitti hann Björn Hreiðar hann Alexander Breka og þeir nutu sín sama að spila einhver fótboltaleik sem mamman veit ekki hvað heitir, Matthías Þorbergur lék sér við Kolbein Tjörfa og Oliver Helgi lék sér með Gítarinn sem Helga systir elskar út af lífinu. Þar hittum við fullt af skemmtilegu fólki.

Um kvöldmatarleitið var svo farið heim á Skagann og börnunum gefið að borða og sett snakk í skál fyrir þau og mamman og pabbinn skelltu sér aftur í höfuðborgina og nú til að fara í leikhús, við sáum Fólkið í blokkinni mjög skemmtilegt verk og mikið hlegið af öllum bröndurunum.

Enduðum svo mjög þreytt heima rúmlega 1 um nóttina og ánægð með daginn.

Í gær var svo skreytt hér og sett smá jóladót í glugga og hillur yngsta syninum til mikillar ánægju, meira að segja hann tók til í herberginu sínu til að fá seríuna upp þar, ekki auðvelt að fá hann til að taka til en gekk mjög vel í þetta sinn.

Í dag er ég svo búin að vera að læra enda fyrsta prófið á morgun en sem betur fer klára ég endanlega þessa önn 9 des og það með stæl 2 próf þann daginn.

Já ég var líka ekki búin að segja frá því hér að ég hef lært ýmislegt í skólanum um mótora og svo bilaði blessuð þvottavélin hér um daginn og ég og Palli rifum hana í sundur og við gerðum við hana í sameiningu mjög dugleg í samvinnu hjónin, ekkert rifist á meðan á þessu stóð og urðum aldrei ósammála. En í dag næstum 2 vikum eftir að viðgerð lauk þá gengur blessuð vélin ennþá og við mjög sátt við að það kostaði bara 2700 kall að gera við hana.

En best að hætta að skrifa hér og skella sér í skólabækurnar.

Hafið það gott elskurnar og ég skrifa vonandi fljótlega aftur þar sem ég hef endalausan tíma núna á meðan ég er í prófum.

Á alveg yndislegan ungan dreng sem finnst alveg ferlega gott að sofa og í morgun fór ég að vekja hann og hann endaði svo í mínu rúmi og ég kallaði á hann drífðu þig á lappir drengur. Hann lagðist á hina hliðina og sagði þetta er allt í lagi mamma kemur eftir smá og klæðir mig.

Eiginmaðurinn lét mig vita það að ég er búin að ná að ala upp frekasta barn á jarðríki.

Meira af þessum syni mínum, um daginn þá var hér letimatur sem sagt 3 réttað eins og stundum er á heimilum, réttur 1 piparsteik, réttur 2 brauð með osti bakað í ofninum, réttur 3 spæld egg. En þessi frekjudolla sem ég nefndi hér áðan vildi ekki fá þetta í matinn hann vildi fá eitthvað gott og hann fór hágrenjandi 3 sinnum inn í herbergi og lét mig vita það í hvert sinn að hann borðaði ekki afganga og ógeð. Jæja tíminn líður og það var komið að því að fara að lesa og þá lét þessi ungi drengur mig vita að hann væri að drepast þar sem ég eldaði aldrei mat fyrir hann og auðvitað vorkenndi ég honum svo mikið að hann fékk kornflex í kvöldmatinn.

þannig er málið að yngsti sonur minn var með mér í heitapottinum áðan og spurði mig þessara spurninga, mamma hver fæddi pabba og auðvitað svaraði ég amma Munda, mamma hver fæddi þá þig og ég svara samviskusamlega amma Kolla og þá segir hann og þar sem þú ert mamma mín þá fæddir þú mig og ég alveg já ég fæddi þig. Og þá kom aðalspurningin HVAÐ GERA ÞÁ PABBAR?

Þar sem ég var ein af 4 konum sem hlutu kvennastyrk frá Orkuveitunni í dag þá langar mig að þakka þeim fyrir .  Ég er stollt fyrir mína hönd að hafa fengið þetta og ég vona sko að fleiri verði jafn heppnir og ég í framtíðinni.

En fyrst og fremst vil ég þakka þeim sem standa mér næst að hafa hjálpað mér í skólanum og þá á ég við gaurana mína alla 5 og svo mömmu og pabba og allar litlu systur mínar sem hafa hjálpað og stutt við bakið á gömlu kellunni að byrja aftur í skóla.

Æ ég veit ekki hvað ég á að skrifa þar sem ég er orðin frekar væmin.

Þannig var að ég fór með 2 syni mína með mér í bónus í dag og það var svo sem allt í lagi þannig, við búin að setja fullt af hlutum í körfuna og erum komin á kassa og ég er að raða í pokana og þá snýr einn sonurinn sér að næsta manni, heyrðu ertu ekki að leika í spaugstofunni? Áttu þá ekki að vera að vinna í dag þar sem það er laugardagur? Hvað ert þú að gera á Akranesi. Svona voru spurningarnar sem blessaður maðurinn fékk fram í sig og náði ekki að svara neinu á milli spurninga þar sem ný var alltaf komin strax á eftir. En samtalið endaði á að sonurinn sagði ég horfi þá bara á spaugstofuna í kvöld.

Talandi um að konur séu dramadrotningar þá á ég eina litla dramadrotningu og ég veit ekki hvað ég á að gera við hana.

Málið er að í dag kviknaði í kerti í blokkinni sem við búum í og sem betur fer urðu litlar skemmdir á þeirri íbúð. En þar sem allir hlupu út þegar löggubíll og 3 slökkvubílar brunuðu hér upp að húsinu með bláum ljósum og sírenum þá fékk sonurinn þetta líka þvílíka kast og vildi ekki fara inn í íbúðina okkar þar sem það gæti verið eldur þar, þetta endaði með því að eldur var slökktur og íbúðin sem skemmdist var reykræst og þá fóru slökkvuliðsmennirnir að sinna blassaðri drotningunni minni og þetta endaði með því að hann var látinn leika slökkvuliðsmann, og átti að fara inn í okkar íbúð vopnaðar vasaljósi og athuga hvort ekki var allt í lagi.

Þessi dramadrotning heitir Oliver Helgi Pálsson bara svona svo það sé á hreinu.

Þetta fékk ég að heyra frá yngsta syni mínum áðan, málið er að ég fór að sækja Oliver Helg til vinar síns áðan og á heimleiðinni þá vildi Oliver Helgi sitja framí og mamma vildi ekki leyfa honum það og sagði honum að ef löggan myndi stoppa hana þá ætti hún ekkert bílpróf þar sem hún myndi taka það af henni og hann þyrfti að labba í skólann á morgnana og þar af leiðandi vakna fyrr og þvílíka ræðan sem ég fékk eftir þetta.

Mamma allir vinir mínir fá að sitja framí, mamma allir vinir mínir eiga mömmu sem gefa þeim gott að borða, mamma allir vinir mínir eiga mömmu sem bakar fyrir þá köku þegar þeir vilja köku, mamma allir vinir mínir eiga ekki svona vonda mömmu eins og þig sem eldar bara vondan mat og er í skóla og vinnur alltaf þegar mig langar að leika við vini mín. ÞEIR EIGA ALLIR GÓÐA MÖMMU OG ÞEIR MEIGA ALLT. Halló ég hélt að unglingaveikin byrjaði ekki fyrr en um 12 ára aldur eitthvað hefur klikkað.

Af okkur er allt gott að frétta ég er bara í skólanum og vinnunni 5 daga vikunar og svo reyni ég að slappa af um helgar en þar sem heimilið fær litla sem enga sinnungu 5 daga í viku þá enda ég á að reyna að taka til um helgar.

Gaurarnir mínir eru líka alveg yndislegir og margar setningar sem hafa fallið hér undanfarið sem eru alveg æðislegar, sérstaklega ein sem var sögð um daginn þegar langafi átti afmæli þá spurði Matthías Þorbergur hana Sigþóru frænku hvað afi væri eiginlega gamall og Sigþóra svaraði honum að afi væri nú orðin 84 ára gamall og þá heyrðist í Matthasi „vá það er mjög há tala“ ég vona að ég nái svona hárri tölu. Já og svo ein frá Hafþóri Inga þar sem ég er að skemma líf hans þá verð ég að fara að læra það að unglingar vakna ekki fyrr en klukkan 16 á frídögum.

Björn Hreiðar er búin að vera að standa sig mjög vel í skólanum og vill alltaf gera betur og betur en ég veit að hann er voðalega duglegur að læra og gerir sitt allra besta, fótboltinn gengur líka vel hjá honum og vinahópurinn er orðin stærri en í fyrra og kynjahlutföllin hafa breyst.

Matthías Þorbergur  var  í samræmdum prófum um daginn og honum fannst algjör óþarfi að læra fyrir þau þar sem ekki var verið að prófa hann sjálfan heldur verið að athuga hvort þau hafi lært eitthvað í 3 ár, verður gaman að sjá hver útkoman verður seinna í vetur. Vinahópurinn er líka að stækka. Hann er farin að æfa karate og gengur víst bara vel þar hitt einn þjálfarann um daginn og hún sagði við mig að hann væri mjög duglegur að hlusta á fyrirmælin og gera það sem hann á að gera.

Oliver Helgi er náttúrulega bara alltaf eins byrjaður í skóla gengur ekki vel að vakna á morgnana enda svefnburska eins og mamma sín og líður mjög vel undir sænginni, hann vill alltaf vera að leika við einhverja krakka og þó hann sé að afa fótbolta og í skóladagvist alveg þangað til mamma er búin í skólanum seint á daginn eins og hann segir þá vill hann alltaf fara eitthvað í heimsóknir, en hann á allra leiðinlegustu mömmu í heimi sem vill ekki læra 25 símanúmer utanaf þá geta grátköstin tekið vel á mömmuna, en hann er samt flottur þessi elska bara mjög frekur og vill ráða öllum heiminum.

Hafþór ingi er líka flottur eins og alltaf, er að vinna í Bónus og bera út fréttablaðið og stendur sig líka bara vel í skólanum.

Jæja best að fara að læra þar sem það er það eina sem ég geri þessa dagana, læra og læra.

þá kemur hér saga af einni frekjudósinni.
í kvöldmatinn í kvöld þá var ég með hakkbollur sem ég geri úr hakki ritskexi og súpupakka og öllum finnst frekar gott á þessum bæ.
En auðvitað byrjar þessi blessaða saga upp í Bónus þar sem mamman var að velja í matinn og sonurinn eitthvað pirraður eftir æfingu og skóla dagsins og grét bara búðarferðina út í gegn en endaði á að frekjast með þennan mat og besta mamma í heimi ákvað að láta þetta eftir frekjunni sinni. Jæja prinsinn hjálpaði mömmu sinni að setja draslið í hræruvélaskálina og fékk svo að kveikja á henni eins og venjan er hjá frekjudollum "fá þær allt". Síðan var hjálpast að að búa til litlar og sætar bollur og þeim stungið í bakaraofnin. jæja svo datt prinsinn í leik við vin sinn og þeir hurfu út og mamma vissi þar sem þessar bollur eru góðar kaldar þá var hún ekki að kalla á frekjudolluna sína í mat (hefði betur gert það) en svo kom blessaður prinsinn inn og sá að allir voru búnir að borða og þá varð minn maður reiður og fór inn í herbergi og skellti hurðinni, kom svo stuttu seinna fram og sagði " MAMMA ÉG VILDI EKKI FÁ ÞETTA Í MATINN" og fór að grenja meira sem endaði með því að prinsinn varð ekki lengur mesta frekjudós í heimi heldur steinsofnaði í öllum fötunum í mömmu sinnar holu.

Önnur saga af þessari frekjudós, hann meiddi sig í síðustu viku og var hann saumaður 2 spor í hökuna en hann var eitthvað að fikta í gær í saumunum og reif þá báða úr sér, en segir að þeir hafi dottið, líklegt eða hitt og heldur.

En þar sem ég man ekki alveg allt sem við gerðum í sumar þá nenni ég ekki að byrja á að skrifa það.

En frá því skólinn byrjaði aftur hefur verið alveg heilmikið að gera á þessu heimili þar sem allir eru komnir í skóla og sumir að læra að lesa í fyrsta sinn og það gengur bara mjög vel hjá honum Oliver Helga að læra að lesa, reyndar ákvað hann að vera rólegur einn dag, og auðvitað slasaðist hann þann dag þar sem hann er svo vanur að vera alltaf á flegi ferð. Hann var saumaður 2 spor í hökuna fær kanski örðið hennar mömmu sinnar, þá verður við kanski eitthvað líkari. Hann er líka farin að æfa fótbolta, og gengur mjög vel þar, elskar að mæta á æfingar og vill helst bara vera alla daga í fótbolta.

Hinum gaurunum mínum gengur líka mjög vel í skólanum, Hafþóri hefur gengið vel í þeim prófum sem hann hefur tekið í vetur og ég hef verið sátt við þær einkunnir sem hann hefur fengið vona bara að hann haldi svona vel áfram og brylleri bara á prófunum í vor þar sem þetta er síðasti veturinn hans í grunnskóla.

Björn Hreiðar er á fullu ennþá í fótboltanum og ég vona að hann eigi eftir að standa sig mjög vel þar, hann er svo að fara í samræmdpróf í okt en hann er voða duglegur að gera verkefni á netinu sem tilheyra þessum prófum og auðvitað vona ég að honum gangi bara vel þar og geri sitt besta.

Matthías Þorbergur er líka að fara í samræmdpróf í okt og hann hefur eitthvað vera að æfa sig fyrir þau og það gengur svona upp og ofan en samt ef hann dettur í gírinn er hann mjög duglegur að læra heima. Hann var líka að byrja að æfa karate og finnst það mjög gaman og auðvitað á hann eftir að læra smá aga þar.

Af mér sjálfri er það að frétta að mér gengur ágætlega í skólanum en þetta er að þyngjast smá mikið og núna eigum við að skrifa og skila skýrslum og ég er ekki alveg að ná þeirri tækni en vonandi kemur það fyrir jól, og ég verð farin að skrifa fullkomnar skýrslur þá. En sonum mínum finnst ég ekki vera að sinna þeim eins og þeir vildu enda alltaf í skólanum, en þeir eru samt alveg rosalega duglegir að hjálpa mömmu sinni og pabba með hann Oliver Helga.

Jæja best að fara að læra smá núna hehehe það er sunnudagur og ég er varla að nenna því, er að fara til Reykjavíkur í afmæli til litlu systir minnar hennar Kolbrúnar Ingu og fá hjá henni kökur ummmmmmmmm hlakkar mikið til að fá eitthvað gott að borða.

 

Elsku Palli minn til hamingju með daginn.

Til hamingju með daginn elsku mamma.

Smá svona sannleikskorn um hvernig dóttir hugsar til mömmunnar.

4 ára - mamma mín getur allt!
8 ára - mamma mín veit mikið- MJÖG mikið!
12 ára - mamma veit sko ekki allt!
14 ára - auðvitað veit mamma ekki þetta heldur!
16 ára - Mamma? Hún er svo gamaldags eitthvað!
18 ára - Sú gamla? Hún er hálf úrelt!
25 ára - Jú, hún gæti vitað eitthvað um það!
35 ára - Fáum álit mömmu áður en við ákveðum þetta!
45 ára - Hvað ætli mömmu hefði fundist um þetta!
65 ára - Ég vildi ég gæti rætt þetta við hana mömmu!